DMCA.com Protection Status

Këta janë shtatë personat që u arrestuan pasi u bën ‘llom’ në një lokal me muzikë ‘live’

Shtatë persona kanë përfunduar në pranga mbrëmë pas mesnate në rrugën ‘Tranzit i vjetër’ në Prizren, pasi që dyshohet se janë përfshirë në një rrahje në një lokal ku ofrohet muzikë ‘live’, raporton Gazeta Sinjali.

Burimet e Gazetës Sinjali brenda Prokurorisë bëjnë të ditur se personat që u arrestuan pasi u bënë ‘llom’ me njëri-tjetrin janë: Afrim Dakaj, Shefket Thaçi, Shpend Berisha, Bekim Avdiu, Ali Aliu, Zija Rexha dhe Mërgim Sefedini.

Sipas burimeve tre nga shtatë personat e dyshuar kanë përfunduar në spital, ku kanë pranuar ndihmë mjekësore, si pasojë e lëndimeve të marra.

Rastin e ka konfirmuar dhe Policia e Kosovës, ku përmes një njoftimi për media kanë bërë të ditur se në vendin e ngjarjes është gjetur një pistoletë, një karikator dhe pesë fishekë.

Sinjali mëson se a rma e cila është sekuestruar, gjatë procedimit të rastit është kuptuar se ajo i përket 32-vjeçarit, Mërgim Sefedini, i cili është i përfshirë në rrahje.

Lidhur me rastin është njoftuar prokurori kujdestar, i cili ka urdhëruar që të dyshuarit të ndalohen për 48 orë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.