DMCA.com Protection Status

Vëllait të dëshmorit të UÇK-së ia ‘vjedhin’ Facebook-un dhe ia marrin 4 mijë euro të afërmve (VIDEO)

Smajl Çekaj është vëllai e komandantit dëshmor, Sali Çekajt. Ai ka rënë pre e një sulmi kibernetik, pasi dikush i ka vjedhur llogarinë në Facebook. Madje, i ka shkruar disa personave të afërt, duke i thënë se është i shtruar në spital për shkak të Covid-19 dhe i duhen para.

Në një lidhje me Skype për “ABC e Mëngjesit”, Çekaj ka treguar si ndodhi e gjithë ngjarja dhe se ka bërë një denoncim në polici.

“Sikur unë i kam shkruar njerëzve që jam në Shqipëri dhe jam me Koronavirus. I pari që më mori në telefon, më tha ku je, në shtëpi ku të jem i thash. Po ti më shkrove dhe më kërkove lekë. Ndërkohë, unë para disa orësh isha në kafe me të.

I kanë kërkuar lekë 4 personave dhe i kanë shkruar. Nuk e di se kush fshihet pas kësaj, denoncim kam bërë por jo me emër se nuk e kam idenë. Por mendoj se dikush që më njeh mirë dhe sidomos mua që e dinë që jam vëllai i heroit Sali Çeka dhe e dinë që më ndihmojnë.

Çdo herë është deklaruar që unë jam i shtruar në spital dhe nuk kam mundësinë të shkoj t’i marr, por do shkoj një person, mik i imi, Mark Alia, të shkojë t’i marr. Po unë nuk e njoh këtë emër, nuk e di a ekziston a jo. Unë e kam bërë denoncimin edhe këtu në Gjermani”, rrëfeu Çekaj.

Intervista e plotë në vazhdim: