DMCA.com Protection Status

Pamje nga mega aksioni i IPK-së në Vërmicë, pritet arrestimi i dhjetëra zyrtarëve policorë (VIDEO)

Në Vërmicë kanë nisur arrestimet e disa zyrtarëve policorë, atje ku Inspektorati Policor i Kosovës dhe Prokuroria Speciale në bashkëpunim me autoritetet e Shqipërisë janë duke zhvilluar një aksion, raporton Express.

Gazeta Express merr vesh nga burime se disa nga policët që kanë qenë në ndërrim në pikën kufiatare në Vërmicë janë arrestuar dhe se të njëjtit janë zëvëndësuar më policë të tjerë.

Ndryshe, Inspektorati Policor të Kosovës dhe Prokuroria Speciale në bashkëpunim me autoritetet e Shqipërisë janë duke vazhduar aksionin “Pika”, që para disa javësh përfundoi me arrestimin e mbi 50 zyrtarëve policorë.

Atje pritet të arrestohen rreth 20 policë të Kosovës dhe 40 të Shqipërisë.

Ata dyshohen për veprat penale “marrje e ryshfetit” dhe “keqpërdorim i pozitës apo autoritetit zyrtar”./Gazeta Express