DMCA.com Protection Status

“O shkoni bre te shpija se kanë me ma myt djalin dhe gruan”, flet dëshmitari i ngjarjes

Gjilan- Në seancën e shqyrtimit gjyqësor për v rasjen me t hikë në kafiterinë “Viva La” në Gjilan është dëgjuar dëshmitari Lindor Bunjaku zyrtar policor i cili tha se i akuzuari Bardhyl Zeqiri në ditën kritike vazhdimisht kishte thënë “O shkoni bre te shpija se kanë me ma myt djalin dhe gruan”.

I akuzuari Bardhyl Zeqiri po akuzohet nga prokuroria se me mjet te mpreht i ka marr jetën tashmë të ndjerit Ismajl Cani, raporton “Betimi për Drejtësi“.

Seanca e të martës ka vazhduar me dëgjimin e deklaratës së dëshmitarit Lindor Bunjaku zyrtar policor, i cili ka deklaruar se lidhur me këtë çështje penale ka hartuar një raport.

I njëjti vazhdoi se me datë 24 qershor 2021 rreth orës 13:00, kishin qenë duke patrulluar në rrugën “Lufta e Gjilanit 44”, nga operativa kishin marrë një informatë se është një rr ahje në progres tek shkollat e mesme më saktësisht tek kafiteria “Viva La”, si njësit ishin përgjigjur menjëherë thirrjes.

“Rreth orës 13:06 minuta kemi arrit në vendin e ngjarjes, menjëherë kemi dal nga vetura, kemi parë një grumbull të qytetarëve afër kafiterisë që na kanë bërë me shenjë dhe me duar nga ana e kafiterisë, ne jemi afruar dhe kemi parë një person në hyrje të kafiterisë që bënte me duar dhe ishte i mbuluar në pjesën e sipërme me gj ak, unë i kam dhënë urdhër gojarisht që të shtrihet përtokë, i njëjti është bindur dhe është shtrirë për tokë”, tha dëshmitari Bunjaku.

I njëjti ka vazhduar deklaratën e tij duke thënë se personi i shtrirë për tokë ka qenë i akuzuari Bardhyl Zeqiri.

“Gjendja fizike e Bardhylit ka qenë jo e keqe me disa lëndime, një lëndim e ka pasur në kokë në pjesën e ballit, ku po i rrjedhke gj ak, ne menjëherë kemi kërkuar që të sillet ambulanca, unë dhe oficeri Ismet i kemi dhënë disa paloma që të vendoste në kokë”, deklaroi dëshmitari Bunjaku.

Dëshmitari Bunjaku tha se i akuzuari Bardhyl kishte qenë në gjendje fizike pak a shumë të mirë, kurse sa i përket anës psikike ka qenë i tronditur dhe kishte fol disa fjalë që nuk kishim qenë shumë të qarta, po ashtu ka shtuar se i akuzuari kishte thënë “O shkoni bre te shpija se kanë me ma myt djalin dhe gruan”, këto fjalë i kishte përseritur Bardhyli.

I njëjti tha se personi tjetër që ka qenë brenda lokalit ka qenë i mbuluar në pjesën e epërme me gj ak, duke e parë gjendjen e tij nuk kishin guxuar asnjë polic apo oficerë që të i jepnin ndihmë, me arsye se kishin menduar se mos po e lëndojnë më shumë.

Dëshmitari Bunjaku tha se në vendin e ngjarjes afër personit të dytë pra tek i ndjeri kishte qenë në dysheme një mjet i fortë i mprehtë apo brisk i cili ka qenë me gj ak.

“Duke e kapur me mjekët të ndjerin kemi parë pIagë në pjesën e qafës”, tha dëshmitari Bunjaku.

Tutje, prokurori Isuf Sadiku në këtë fazë të procedurës ka propozuar që me rastin e dëgjimit të dëshmitarit Kujtim Robelli, seanca të mbyllet nga publiku për hir të mbrojtjes së jetës personale të personave të përfshirë në këtë rast.

Propozimin e tillë nuk e ka kundërshtuar avokati Ilir Shaqiri.

Gjyqtari Ademi ka aprovuar propozimin e prokurorit të shtetit që vazhdimi i seancës së sotme me rastin e dëgjimit të dëshmitarit Kujtim Robelli të mbyllet me qëllim të mbrojtjes së jetës personale të akuzuarit.

Sipas aktakuzës, më 24 qershor 2021, në Gjilan, saktësisht në kafiterinë “Viva La”, i akuzuari me dashje ka privuar nga jeta viktimën Ismajl Cani, për motive të ulëta.

Tutje thuhet se pas një mosmarrëveshje verbale në mes të akuzuarit dhe tani të ndjerit lidhur me raportet intime në mes të akuzuarit dhe bashkëshortes së viktimës, i akuzuari me një mjet të mpreht me veprim të drejtpërdrejt ka privuar nga jeta tani të ndjerin, duke e goditur në regjionin e përparmë të qafes (në fyt), i akuzuari i ka shkaktuar katër pIagë prerëse dhe dy pIagë prerëse – shpuese – shkuese (apo qorre), një pIagë prerëse – shpuese – shkuese në anën e majtë të regjionit ijor, ku për shkak të pIagëve të pësuara viktima nuk ka mundur të mbijetoj dhe rrugës për në spital ka vdekur.

Me këtë ai ngarkohet se ka kryer veprën penale “V rasje e rëndë” nga neni 173 paragrafi 1 nënparagrafi 1.8 të Kodit Penal të Kosovës, e dënueshme me jo më pak se dhjetë (10) vjet burgim ose me burgim të përjetshëm dënohet./BetimipërDrejtësi.

Shënim: Personi i përmendur në këtë artikull konsiderohet i pafajshëm, përveç nëse nga gjykata vërtetohet se është fajtorë me vendim të formës së prerë.