DMCA.com Protection Status

Publikohen pamje brenda burgut ku po mbahen ish-komandantët e UÇK-së (PAMJE)

Pas arrestimit, ish-krerët e UÇK-së, Hashim Thaçit, Kadri Veselit, e tjerëve, ata më 5 nëntor u transferuan në Hagë me një aeroplan ushtarak. Pas disa paraqitjeve në kuadër të procesit gjyqësor të cilët akuzohen për krime gjatë dhe pas luftës në Kosovë si dhe për 100 v rasje, ata aktualisht gjenden ne paraburgim, njofton gazeta zvicerane në gjuhën shqipe “Le Canton27.ch” nga Haga

Njësia e Menaxhimit të Paraburgimit (DMU) e KSC siguron mirëqenien e të burgosurve në një mjedis të sigurt. Ky burg gjendet jashtë Hagës, në periferi, respektivisht në Haaglanden të Scheveningen

Haaglanden, është një burg unik në Holandë. Ky burg është i vetmi që ka një qendër kujdesi, ku të paraburgosurit që kanë nevojë për kujdes mbahen 24 orë në ditë. Kjo mund të jetë kujdes fizik, por edhe psikiatrik. Ose një kombinim i të dyjave. PI Haaglanden është e vendosur në Scheveningen dhe mund të strehojë rreth 200 të arrestuar. Përveç kësaj, të dyshuarit janë vendosur gjithashtu këtu para Tribunaleve Ndërkombëtare.

Thaçit nuk i mungon ajri i pastër, as peizazhi dhe bukuritë natyrore, as në Hagë

Të paraburgosurit janë vendosur në mjediset e paraburgimit, të cilat menaxhohen dhe administrohen nga Njësia e Menaxhimit të Paraburgimit (“DMU”) nën autoritetin e Sekretarit. Mënyra se si administrohen institucionet e paraburgimit pasqyron kërkesat kryesore të trajtimit njerëzor dhe respektimit të dinjitetit njerëzor e sigurisë. Rregulloret që rregullojnë objektet e paraburgimit, përfshirë Rregulloren e Paraburgimit, gjenden këtu. Ato janë në përputhje me ligjin ndërkombëtar për të drejtat e njeriut dhe standardet e pranuara ndërkombëtarisht për trajtimin e personave të privuar nga liria. Në veçanti, ata marrin parasysh Rregullat Minimale Standarde të Kombeve të Bashkuara për Trajtimin e të Burgosurve (“Rregullat Mandela”) dhe Rregullat Evropiane të Burgjeve.

Dhomat e Specializuara të Kosovës po ashtu përmes gazetës zvicerane në gjuhën shqipe “Le Canton27.ch” kanë njoftuar se ambientet e paraburgimit inspektohen dhe monitorohen nga ICRC. Kjo do të thotë që ICRC mund të kryejë inspektime të rregullta, të paparalajmëruara dhe të pavarura të institucioneve të paraburgimit në mënyrë që të shqyrtojë kushtet e paraburgimit dhe të sigurojë pajtueshmëri me të drejtat e njeriut, të drejtën ndërkombëtare dhe standardet e pranuara të trajtimit.

Një ekip prej 170 personash dhe 44 milionë euro në vit

Në qytetin e Hagës përveç prokurorëve dhe hetuesve është edhe një numër i madh njerëzish, që punojnë në kuadër të gjykatës, regjistrit dhe këshilltarëve të mbrojtjes dhe viktimave. Regjistri bën përkrahjen administrative të gjykatës dhe prokurorisë. Në këtë pjesë punojnë mbi 100 persona që së bashku me prokurorinë arrijnë numrin prej 170 të punësuarve ndërkombëtarë, të cilët paguhen nga Bashkimi Evropian dhe SHBA-ja dhe përkrahen me donacione shtesë nga Zvicra, Norvegjia dhe Turqia.

Të paraburgosurve u lejohet qasja ditore në ajër të pastër dhe ushtrime fizike, si dhe mundësia për të marrë pjesë në aktivitete të tjera të përshtatshme rekreative. Atyre u lejohet të lexojnë dhe shkruajnë materiale dhe kanë qasje në një bibliotekë që përmban libra, revista dhe gazeta në gjuhët e tyre amtare…” ka thënë sot për gazetën zvicerane në gjuhën shqipe “Le Canton27.ch” znj.Angela Griep, zëdhënëse e Dhomave të Specializuara.

Mësohet po ashtu se Thaçi, Veseli me shokët po ashtu mund të luajnë shah, futboll, dhe lojëra tjera…

Përveç kësaj, sipas znj. Gripe, të burgosurit kanë mundësi të përdorin programe radio dhe televizive të marrin pjesë në shërbimet fetare ose shpirtërore të disponueshme, qe do të thotë se ata edhe mund të falen…(Lecanton27.ch)